၂၀၂၅-၂၀၂၆ဘဏ္ဍာရေးနှစ် e-Government သင်တန်းဆောင်ရွက်ခြင်း
၂၀၂၅-၂၀၂၆ ဘဏ္ဍာရေးနှစ်တွင် ကျန်းမာရေးဝန်ကြီးဌာန၊ ကုသရေးဦးစီးဌာန၊ စီမံကိန်းဌာနခွဲမှ e-Government သင်တန်းကို ဗဟိုအဆင့်ဆေးရုံကြီးများအတွက် (၁၉-၁-၂၀၂၆)ရက်နေ့မှ (၂၃-၁-၂၀၂၆) ရက်နေ့အထိ ကျင်းပပြုလုပ်ခဲ့ရာ သင်တန်းသား/သူ အရာထမ်း/အမှုထမ်း (၆၀)ဦး တက် ရောက်ခဲ့ကြပြီး တိုင်းဒေသကြီး/ပြည်နယ်ကုသရေးဦးစီးဌာနများ၊ တိုင်းဒေသကြီး/ပြည်နယ်အောက်ရှိ ဆေးရုံကြီးများနှင့် အထူးကုဆေးရုံကြီးများအတွက် (၂၆-၁-၂၀၂၆) ရက်နေ့မှ (၃၀-၁-၂၀၂၆) ရက်နေ့ အထိ ကျင်းပပြုလုပ်ခဲ့ရာ သင်တန်းသား/သူ (၅၄)ဦး၊ စုစုပေါင်းသင်တန်းသား/သူ အရာထမ်း/ အမှုထမ်း (၁၁၄)ဦးတို့ တက်ရောက်ခဲ့ကြပါသည်။ သင်တန်းတွင် ညွှန်ကြားရေးမှူးချုပ်မှ အမှာစကားပြောကြားပြီး လက်တွေ့လုပ်ငန်းခွင်တွင် အသုံးဝင်မည့် Power BI Software အသုံးပြုပုံနှင့် Advance Microsoft Excel အသုံးပြုပုံတို့ကို စာတွေ့ လက်တွေ့ သင်ကြားပို့ချပေးနိုင်ခဲ့ပါသည်။ တက်ရောက်လာကြသော သင်တန်းသား/သူအရာထမ်းများ မေးမြန်းကြသော မေးခွန်းများကိုလည်း သက်ဆိုင်ရာ […]
ဆေးဘက်ကျွမ်းကျင်(၄)(ဆေးလူမှု)(သစ်လွင်)(၆)လသင်တန်းများပြီးမြောက်ခြင်းနှင့်သင်တန်းဆင်းလက်မှတ်ပေးအပ်ပွဲအခမ်းအနားများကျင်းပခြင်း
ကျန်းမာရေးဝန်ကြီးဌာန၊ ကုသရေးဦးစီးဌာနမှ ဗဟိုအဆင့်ဆေးရုံကြီးများ၊တိုင်းဒေသကြီး/ ပြည်နယ်ပြည်သူ့ဆေးရုံများတွင်ခန့်ထားသော ဆေးဘက်ကျွမ်းကျင်(၄)(ဆေးလူမှု)(သစ်လွင်)များ ကိုစာတွေ့(၄)လ၊လက်တွေ့(၄)လ စုစုပေါင်း(၆)လသင်တန်းပေးခြင်းကို တိုင်းဒေသကြီး/ပြည်နယ် ကုသရေးဦးစီးဌာနများအစီအစဥ်ဖြင့် ၂၀၂၅ ခုနှစ် ဇွန်လမှ ဒီဇင်ဘာလအတွင်းတွင် သင်တန်းများ ဆောင်ရွက်ခဲ့ပါသည်။ အဆိုပါသင်တန်းများကို တိုင်းဒေသကြီး/ပြည်နယ်ကုသရေးဦးစီးဌာနများနှင့် ဗဟိုအဆင့် ပြည်သူ့ဆေးရုံကြီး၊ပြည်သူ့ဆေးရုံကြီးများ၌ ဖွင့်လှစ်သင်ကြားပေးခဲ့ရာ ကချင်ပြည်နယ်တွင် (၉)ဦး၊ ကယားပြည်နယ်တွင် (၄)ဦး၊ ချင်းပြည်နယ်တွင်(၁၂)ဦး၊ စစ်ကိုင်းတိုင်းဒေသကြီးတွင် (၂၀)ဦး၊ တနင်္သာရီတိုင်းဒေသကြီးတွင်(၅)ဦး၊ ပဲခူးတိုင်းဒေသကြီးတွင်(၂၁)ဦး၊ မကွေးတိုင်းဒေသကြီးတွင် (၂၁)ဦး၊ မွန်ပြည်နယ်တွင် (၁၁)ဦး၊ ရခိုင်ပြည်နယ်တွင်(၁၃)ဦး၊ ရန်ကုန်တိုင်းဒေသကြီးတွင်(၅၈)ဦး၊ ဧရာဝတီတိုင်းဒေသကြီးတွင်(၂၈)ဦး၊ ပြည်ထောင်စုနယ်မြေ၊ နေပြည်တော်တွင်(၄၃)ဦး စုစုပေါင်း သင်တန်းသား/သူ (၂၄၅)ဦးတို့ တက်ရောက်ခဲ့ပြီး သင်တန်းဆင်းပွဲအခမ်းအနားများဆောင်ရွက်၍ သင်တန်းဆင်းလက်မှတ်များပေးအပ်ခဲ့ပါသည်။ မန္တလေးတိုင်းဒေသကြီး၊ ရှမ်းပြည်နယ် (တောင်) နှင့် ရှမ်းပြည်နယ် (အရှေ့)တို့တွင် သင်တန်းများဆောက်ရွက်နေဆဲဖြစ်ပါသည်။ စဉ် တိုင်းဒေသကြီး/ပြည်နယ် သင်တန်းဖွင့်လှစ်သောဆေးရုံ/ဌာန တက်ရောက်သင်တန်းသား […]
စတုတ္ထနှစ်ဆေးဘက်ဆိုင်ရာနည်းပညာတက္ကသိုလ် (ရန်ကုန်/မန္တလေး) (၁/၂၀၂၅) သင်တန်းအောင်မြင်သောဘွဲ့ရသစ်လွင်များအားအလုပ်ခန့်အပ်လွှာပေးအပ်ပွဲအခမ်းအနား ကျင်းပခြင်း
နေပြည်တော် ၈-၁၀-၂၀၂၅ ဆေးဘက်ဆိုင်ရာနည်းပညာတက္ကသိုလ် (ရန်ကုန်/ မန္တလေး)တို့မှ စတုတ္ထနှစ် (၁/၂၀၂၅) သင်တန်းအောင်မြင်သော ဘွဲ့ရသစ်လွင်များအား ကုသရေးဦးစီးဌာနအောက်ရှိ ဗဟိုအဆင့်ဆေးရုံ ကြီးများနှင့် တိုင်းဒေသကြီး/ပြည်နယ်ကုသရေးဦးစီးဌာနများရှိိ ပြည်သူ့ဆေးရုံကြီးများတွင် ဆေးဘက် ဆိုင်ရာကျွမ်းကျင်(၂)(ဓာတ်ခွဲ/ ဓာတ်မှန်/ အကြော/ ဓာတ်ရောင်ခြည်) နှင့် ဒုစာရင်းအင်းမှူး (ဆေးမှတ် တမ်း)များအဖြစ် အလုပ်ခန့်အပ်လွှာပေးအပ်ပွဲအခမ်းအနားကို (၈-၁၀-၂၀၂၅)ရက်နေ့တွင် ဆေးဘက် ဆိုင်ရာနည်းပညာတက္ကသိုလ်(ရန်ကုန်/ မန္တလေး)တို့၌ ကျင်းပပြုလုပ်ခဲ့ပါသည်။ အဆိုပါအခမ်းအနား တွင် ဘွဲ့ရ သစ်လွင်များအား ကုသရေးဦးစီးဌာနအောက်ရှိ ဗဟိုအဆင့်ဆေးရုံကြီးများနှင့် တိုင်းဒေသ ကြီး/ ပြည်နယ်ကုသရေးဦးစီးဌာနများရှိိ ပြည်သူ့ဆေးရုံကြီးများတွင် ဆေးဘက်ဆိုင်ရာကျွမ်းကျင်(၂) (ဓာတ်ခွဲ/ ဓာတ်မှန်/ အကြော/ ဓာတ်ရောင်ခြည်) နှင့် ဒုစာရင်းအင်းမှူး (ဆေးမှတ်တမ်း)များအဖြစ် အလုပ်ခန့်အပ်ခဲ့ပါသည်။
ဆေးဘက်ကျွမ်းကျင်(၃)(ဆေးစပ်)(၆)လ သင်တန်းများ ဖွင့်လှစ်ခြင်း
ကျန်းမာရေးဝန်ကြီးဌာန၊ ကုသရေးဦးစီးဌာနအောက်ရှိ ဗဟိုအဆင့်ဆေးရုံကြီးများ/ တိုင်း ဒေသကြီး/ ပြည်နယ်/ ခရိုင်/ မြို့နယ်ပြည်သူ့ဆေးရုံများတွင် လစ်လပ်လျက်ရှိသော ဆေးဘက် ကျွမ်းကျင်(၃)(ဆေးစပ်)နေရာများ၌ သက်ဆိုင်ရာတိုင်းဒေသကြီး/ ပြည်နယ်ကုသရေးဦးစီးဌာန အလိုက် ဆေးဘက်ကျွမ်းကျင်(၄)(ဆေးစပ်) လစာနှုန်း (၁၈၀၀၀ဝိ-၂၀၀ဝိ-၁၉၀၀၀ဝိ)မှ ဆေးဘက် ကျွမ်းကျင်(၃)(ဆေးစပ်) လစာနှုန်း (၁၉၈၀၀ဝိ-၂၀၀ဝိ-၂၀၈၀၀ဝိ) ရာထူးသို့ တိုးမြှင့်ခန့်ထားနိုင်ရေး အတွက် အရည်အချင်းစစ်စာမေးပွဲ ဖြေဆိုအောင်မြင်ထားသော သင်တန်းသားများအား တိုင်းဒေသ ကြီး/ ပြည်နယ်အသီးသီးရှိ ပြည်သူ့ဆေးရုံကြီး(၁၅)ရုံတွင် (၁-၉-၂၀၂၅)ရက်နေ့မှစ၍ စာတွေ့(၂)လ၊ မိခင်ဌာန/ဆေးရုံများတွင် လက်တွေ့(၄)လဖြင့် ဆေးဘက်ကျွမ်းကျင်(၃) (ဆေးစပ်) သင်တန်းများ စတင်ဖွင့်လှစ်ပြီး သင်ကြားပေးလျက်ရှိပါသည်။ စဉ် သင်တန်းဖွင့်လှစ်လျက်ရှိသော ဆေးရုံကြီးများ တက်ရောက်လျက်ရှိသော သင်တန်းသားအရေအတွက် ၁ ရန်ကုန်ပြည်သူ့ဆေးရုံကြီး (၁၁)ဦး ၂ မြောက်ဥက္ကလာပပြည်သူ့ဆေးရုံကြီး (၁၁)ဦး ၃ ရန်ကုန်အထွေထွေရောဂါကုဆေးရုံသစ်ကြီး (၉)ဦး ၄ […]
စိတ်ကျန်းမာရေးစောင့်ရှောက်မှုနှင့် လူမှုရေးဝန်ဆောင်မှုပေးနိုင်ရန်ညွှန်းပို့ချိတ်ဆက်ခြင်းလုပ်ငန်း ဆောင်ရွက်နိုင်ရေး အလုပ်ရုံဆွေးနွေးပွဲနှင့်သင်တန်း ကျင်းပပြုလုပ်ခြင်း
နေပြည်တော်၊မန္တလေးနှင့်စစ်ကိုင်းတိုင်းဒေသကြီးအတွင်းရှိငလျင်ဘေးသင့်ပြည်သူလူထုအား စိတ်ကျန်းမာရေးနှင့် စိတ်ပိုင်းဆိုင်ရာပံ့ပိုးကူညီမှုများအတွက် သေဆုံးသူများ/မိသားစုဝင်များ/ ကိုယ်လက်အင်္ဂါ ဆုံးရှုံးသူများကို Focus ထား၍ Psychosocial Support ကို ကျန်းမာရေး ဝန်ကြီးဌာနမှ ဦးဆောင်၍ စုပေါင်းဆောင်ရွက်ရန်၊ Referral and Networking to Provide Psychosocial Services နှင့် Hotline တည်ထောင်ရန်အတွက် အလုပ်ရုံဆွေးနွေးပွဲကို ( ၁-၉-၂၀၂၅) ရက်နေ့မှ (၅-၉-၂၀၂၅) ရက်နေ့အထိ ကုသရေးဦးစီးဌာန၊ အစည်းဝေးခန်းမ(၂)တွင် (၅)ရက် ကျင်းပခဲ့ပါသည်။ အလုပ်ရုံဆွေးနွေးပွဲနှင့်သင်တန်းဖွင့်ပွဲအခမ်းအနားကို ဒေါက်တာသီတာလှ၊ ညွှန်ကြားရေးမှူး ချုပ်၊ ကုသရေးဦးစီးဌာနမှ ဖွင့်လှစ်ပေးခဲ့ပါသည်။ အဆိုပါအလုပ်ရုံဆွေးနွေးပွဲသို့ ကုသရေးဦးစီးဌာနနှင့် ပြည်သူ့ကျန်းမာရေးဦစီးဌာနမှ ညွှန်ကြားရေးမှူးများ၊ ပါမောက္ခဌာနမှူးများ (စိတ်ကျန်းမာပညာ)၊ (ဆေးတက္ကသိုလ်(၁)၊(၂)ရန်ကုန်နှင့်မန္တလေးဆေးတက္ကသိုလ်တို့မှ စိတ်ကျန်းမာရေးအထူးကုဆရာဝန် ကြီးများ၊ နေပြည်တော်၊ မန္တလေး၊ စစ်ကိုင်းတိုင်းဒေသကြီးတို့မှ ဒုတိယတိုင်းဒေသကြီး ကုသရေးနှင့် […]