လျှောက်လွှာခေါ်ယူခြင်း

ပြည်ထောင်စုသမ္မတမြန်မာနိုင်ငံတော်
ပြည်ထောင်စုရာထူးဝန်အဖွဲ့
လျှောက်လွှာခေါ်ယူခြင်း
ကြော်ငြာစာအမှတ်၊ ၁ / ၂၀၂၃
၁၃၈၄ ခုနှစ်၊ ပြာသိုလပြည့်ကျော် ၈ ရက်
( ၂၀၂၃ ခုနှစ်၊ ဇန်နဝါရီလ ၁၃ ရက် )
၁။ ကျန်းမာရေးဝန်ကြီးဌာန၊ ကုသရေးဦးစီးဌာနတွင် လစ်လပ်လျက်ရှိသော အောက်ဖော်ပြပါ ရာထူးနေရာအတွက် ပြည်ထောင်စုရာထူးဝန်အဖွဲ့၊ရုံးအမှတ်(၁၇)၊နေပြည်တော်နှင့် ပြည်ထောင်စု ရာထူးဝန်အဖွဲ့၊ (ရန်ကုန်ရုံးခွဲ)၊ အမှတ်(၆၅)၊ အဝေရာလမ်း၊ မေတ္တာညွန့်ရပ်ကွက်၊ တာမွေမြို့နယ် (သို့မဟုတ်) တိုင်းဒေသကြီးနှင့်ပြည်နယ်အစိုးရအဖွဲ့ရုံးများ၌ လျှောက်လွှာဝယ်ယူ၍ လူကိုယ်တိုင် (သို့မဟုတ်) စာတိုက်မှတစ်ဆင့် ပြည်ထောင်စုရာထူးဝန်အဖွဲ့၊ ရုံးအမှတ် (၁၇)နေပြည်တော်သို့ လည်းကောင်း၊ Online စနစ်ဖြင့် e-Recruitment and Selection System (e – RSS) (UCSB e-RSS Mobile Application နှင့် UCSB e-RSS Web Based) တို့ကိုအသုံးပြု၍လည်းကောင်း ၂၇ – ၁- ၂၀၂၃ ရက်နေ့ နောက်ဆုံးထား၍ ဝင်ရောက်လျှောက်ထားနိုင်ပါသည် –

ရာထူး လစ်လပ် ပညာအရည်အချင်း
ဆရာဝန်(သစ်လွင်) ၁၈၀ နေရာ ဆေးပညာဘွဲ့(M.B.,B.S.)
ဆရာဝန်(သွားနှင့်ခံတွင်း) ၂၀ နေရာ သွားဘက်ဆိုင်ရာဆေးပညာဘွဲ့(B.D.S)

၂။ လျှောက်ထားသူသည် –
( က) ပြည်ထောင်စုသမ္မတမြန်မာနိုင်ငံသားဖြစ်ရမည်၊
( ခ ) လျှောက်ထားသူများအနေဖြင့် ၂၇ – ၁ -၂၀၂၃ရက်နေ့တွင်ပြင်ပပုဂ္ဂိုလ်အသက်(၃၅)နှစ်ထက် မကျော်လွန်သူဖြစ်ရမည်၊
( ဂ ) ဆရာဝန်(သစ်လွင်) အတွက် ဆေးပညာဘွဲ့(M.B.,B.S.)နှင့် ဆရာဝန်(သွားနှင့်ခံတွင်း) ရာထူးအတွက်သွားဘက်ဆိုင်ရာဆေးပညာဘွဲ့(B.D.S)နှင့်မြန်မာနိုင်ငံဆေးကောင်စီမှ အသိအမှတ်ပြုခြင်းခံရသည့် သက်တမ်းကုန်ဆုံးခြင်းမရှိသေးသည့် အထွေထွေ ဆေးကုသခွင့်လိုင်စင်(ဆမ/သခ)ကိုင်ဆောင်ထားသူ(သို့မဟုတ်) အလုပ်သင်ဆရာဝန် ပြီးမြောက်သူများအနေဖြင့် လျှောက်ထားချိန်တွင် အလုပ်သင်ဆရာဝန်ပြီးမြောက်ကြောင်း ထောက်ခံစာတင်ပြနိုင်သူဖြစ်ရမည်ဖြစ်ပြီး မိတ္တူများကို လျှောက်လွှာနှင့် အတူပူးတွဲ ပေးပို့ရမည်၊

(ဃ)
ဆရာဝန်(သစ်လွင်/သွားနှင့်ခံတွင်း) ရာထူးအတွက် စတင် တာဝန်ထမ်းဆောင်သည့် ဆေးရုံတွင် သတ်မှတ်ကာလပြည့်အောင် တာဝန်ထမ်းဆောင်ပြီးပါက အခြားလုပ်ငန်း လိုအပ်ချက်ရှိသောဆေးရုံများသို့နေရာဒေသမရွေးသွားရောက် တာဝန်ထမ်းဆောင် နိုင်သူဖြစ်ရမည်၊
( င ) ဆရာဝန်(သစ်လွင်/သွားနှင့်ခံတွင်း) ရာထူးအတွက် ဆေးပညာမဟာသိပ္ပံဘွဲ့လွန် စာမေးပွဲဖြေဆိုခွင့်ကို ကျန်းမာရေးဝန်ကြီးဌာန၏ လုပ်သက်သတ်မှတ်ချက်နှင့်အညီ ဝင်ရောက်ဖြေဆိုခွင့်ပြုမည်၊
( စ ) ကျန်းမာရေးကောင်းမွန်သူဖြစ်ရမည်။
၃။ ဆရာဝန်(သစ်လွင်/သွားနှင့်ခံတွင်း)ရာထူးများအတွက်အလုပ်သင်ဆရာဝန်ပြီးမြောက်ကြောင်း ထောက်ခံစာဖြင့်လျှောက်ထားသူများအား အလုပ်ခန့်အပ်ခြင်းခံရပြီး စတင်တာဝန်ထမ်းဆောင်ကြောင်း သတင်းပို့ချိန်တွင် ဆမ/သခထုတ်ပေးရန်ထောက်ခံချက်ပေးမည်ဖြစ်ပါကြောင်းဖော်ပြအပ်ပါသည်။
၄။ ကြော်ငြာပါရာထူးအတွက် ရွေးချယ်ခြင်းခံရပါက နိုင်ငံ့ဝန်ထမ်းတက္ကသိုလ်များတွင် ဖွင့်လှစ် သည့်အရာထမ်းလောင်းအခြေခံသင်တန်းများသို့လတ်တလောတွင်တက်ရောက်စေခြင်း မပြုသေးဘဲ သက်ဆိုင်ရာဝန်ကြီးဌာနမှ နိုင်ငံ့ဝန်ထမ်းသစ်များအဖြစ်ဦးစွာ ခန့်အပ်တာဝန်ပေးအပ်သွားမည်ဖြစ် ပါသည်။
၅။ လျှောက်လွှာတင်သွင်းလိုသူများသည် တာဝန်ယူမှု၊ တာဝန်ခံမှုဖြင့် မိမိတို့နှင့် သက်ဆိုင်သော အချက်အလက်များကို ဖြည့်သွင်းကာ အချိန်မီ လျှောက်ထားရမည်ဖြစ်ပါသည်။ လျှောက်ထားသူများ အနေဖြင့် UCSB e-RSS Mobile Application ကို အသုံးပြု၍ Google Play Stroe နှင့် Apple Store တို့မှတဆင့် Download ရယူ၍ အသုံးပြုရန် (သို့မဟုတ်) UCSB e- RSS Web Based အသုံးပြု၍
e-recruitment.ucsb.gov.mm သို့ ဝင်ရောက်ကာ မှတ်ပုံတင်ပြုလုပ်၍ စနစ်တွင် ကိုယ်ပိုင် Account တစ်ခုတည်ဆောက်ရပါမည်။ မှတ်ပုံတင်ပြုလုပ်ရန်အတွက် လျှောက်ထားသူ၏ ကိုယ်ပိုင် e-mail ကို အသုံးပြုရမည် ဖြစ်ပါသည်။ အသုံးပြုရာတွင် မြန်မာယူနီကုဒ် (ပြည်ထောင်စုစာလုံး Pyidaungsu Font) တစ်မျိုးတည်းကိုသာ အသုံးပြုရမည်ဖြစ်ပါသည်။ အသုံးပြုနည်းအသေးစိတ် User Guide အား Download ရယူ၍ ဖတ်ရှုလေ့လာကာ စနစ်အတွင်းသို့ ဝင်ရောက်ဆောင်ရွက်ရမည်ဖြစ်ပါသည်။
၆။ User Guide နှင့် လျှောက်ထားတင်သွင်းသူများလိုက်နာရန် လမ်းညွှန်ချက်စာစောင်တို့ကို ပြည်ထောင်စုရာထူးဝန်အဖွဲ့၏ Website – www.ucsb.gov.mm နှင့်Myanmar National Web Portal – www.myanmar.gov.mmတို့တွင်လည်း ဖော်ပြပေးထားပြီး တိုင်းဒေသကြီးနှင့်ပြည်နယ်အစိုးရ အဖွဲ့ရုံးများတွင် ဝယ်သူဖတ်ရှုလေ့လာနိုင်ပါသည်။ လျှောက်လွှာတွင် ဖော်ပြရမည့်အချက်များပူးတွဲ တင်ပြရမည့် စာရွက်စာတမ်းမိတ္တူများ၊ ဝင်ကြေးငွေ ၅၀၀ဝိ/- ပေးသွင်းရမည့်နည်းလမ်း၊စိတ်အခြေ အနေနှင့် လူတွေ့စစ်ဆေးခြင်းတို့အတွက် လေ့လာရန် လိုအပ်ချက်များနှင့်စပ်လျဉ်း၍ ပြည်ထောင်စု ရာထူးဝန်အဖွဲ့က ကြော်ငြာခေါ်ယူသောရာထူးများအတွက် လျှောက်လွှာတင်သွင်းသူများလိုက်နာရန် လမ်းညွှန်ချက်စာစောင်ပါ သတ်မှတ်ချက်များနှင့်အညီ လိုက်နာဆောင်ရွက်ရန်ဖြစ်ပါသည်။
၇။ သတ်မှတ်စာမေးပွဲဝင်ကြေးငွေကို Online Banking (သို့မဟုတ်)Manual နည်းလမ်းနှစ်မျိုး ဖြင့်ပေးသွင်းနိုင်ပါသည်။Online Banking စနစ်ဖြင့် ပေးသွင်းရာတွင် CB Pay, Master, MPU, JCB, VISA တို့ဖြစ်သော payment method (၅)မျိုးဖြင့် ပေးသွင်းနိုင်ပါသည်။
၈။ လျှောက်ထားသူများသည် လျှောက်လွှာတင်သွင်းစဉ်ကပင် လျှောက်လွှာနှင့်အတူ ချလန်၊ အထွေထွေဆေးကုသခွင့်လိုင်စင်(ဆမ/သခ)၊ ဘွဲ့လက်မှတ်၊ အလုပ်သင်ဆရာဝန်ပြီး‌မြောက်ကြောင်း ထောက်ခံစာ (ဘွဲ့လက်မှတ်မရရှိသေးသူများ)၊ ဘွဲ့နောက်ဆုံးနှစ်အမှတ်စာရင်း၊ တက္ကသိုလ်ဝင်တန်း အောင်လက်မှတ်၊ အလုပ်သမားမှတ်ပုံတင်ကတ်ပြားနှင့် နိုင်ငံသားစိစစ်ရေးကတ်ပြားစသည့် စာရွက် စာတမ်းမိတ္တူများပူးတွဲတင်ပြရမည်။ သတ်မှတ်စာရွက်စာတမ်းမိတ္တူများ မပါရှိသူများ၊ လျှောက်လွှာ ပိတ်ရက်ကျော်လွန်ပြီးမှစာမေးပွဲဝင်ကြေးပေးသွင်းထားသူများ၊ လျှောက်လွှာပိတ်ရက်ကျော်လွန်ပြီးမှ တင်သွင်းသူများကိုစနစ်မှ အလိုအလျောက် လက်ခံပေးမည်မဟုတ်ပါကြောင်း အသိပေးဖော်ပြအပ် ပါသည်။
၉။ ပြည်ထောင်စုရာထူးဝန်အဖွဲ့ နည်းဉပဒေ ၁၅ကို ကျင့်သုံး၍ ရေးဖြေစာမေးပွဲစစ်ဆေးခြင်းမပြုဘဲ စိတ်အခြေအနေနှင့် လူတွေ့စစ်ဆေးခြင်းကိုသာ ဆောင်ရွက်ပေးမည်ဖြစ်ပါသည်။ ဖြေဆိုရမည့်နေ့ ရက်များကို တစ်ဦးချင်းစီသို့ စာဖြင့် အကြောင်းကြားပေးပို့မည်ဖြစ်ပါသည်။
၁၀။ အခြားစုံစမ်းမေးမြန်းလိုချက်ရှိပါကပြည်ထောင်စုရာထူးဝန်အဖွဲ့၊ရုံးအမှတ်(၁၇)၊ နေပြည်တော် (တယ်လီဖုန်းအမှတ်၊ ၀၆၇-၃၄၀၉၀၅၂၊ ၀၆၇-၃၄၀၉၄၃၀၊ ၀၉-၄၂၄၄၀၈၉၅၄၊ ၀၉ – ၄၂၀၇၀၆၆၀၅၊
၀၉-၄၂၀၇၀၆၆၀၆၊ ၀၉-၇၉၇၇၂၇၆၉၆၊၀၉-၄၄၁၉၃၇၃၄၃နှင့်၀၉-၂၆၂၅၀၂၉၈၈) သို့ ဆက်သွယ်စုံစမ်း
မေးမြန်းနိုင်ပါသည်။