ဆေးဘက်ကျွမ်းကျင်(၄)(ဆေးလူမှု)(သစ်လွင်)(၆)လသင်တန်းများပြီးမြောက်ခြင်းနှင့်သင်တန်းဆင်းလက်မှတ်ပေးအပ်ပွဲအခမ်းအနားများကျင်းပခြင်း

ကျန်းမာရေးဝန်ကြီးဌာန၊ ကုသရေးဦးစီးဌာနမှ  ဗဟိုအဆင့်ဆေးရုံကြီးများ၊တိုင်းဒေသကြီး/ ပြည်နယ်ပြည်သူ့ဆေးရုံများတွင်ခန့်ထားသော ဆေးဘက်ကျွမ်းကျင်(၄)(ဆေးလူမှု)(သစ်လွင်)များ ကိုစာတွေ့(၄)လ၊လက်တွေ့(၄)လ စုစုပေါင်း(၆)လသင်တန်းပေးခြင်းကို တိုင်းဒေသကြီး/ပြည်နယ် ကုသရေးဦးစီးဌာနများအစီအစဥ်ဖြင့် ၂၀၂၅ ခုနှစ် ဇွန်လမှ ဒီဇင်ဘာလအတွင်းတွင် သင်တန်းများ ဆောင်ရွက်ခဲ့ပါသည်။

အဆိုပါသင်တန်းများကို တိုင်းဒေသကြီး/ပြည်နယ်ကုသရေးဦးစီးဌာနများနှင့် ဗဟိုအဆင့် ပြည်သူ့ဆေးရုံကြီး၊ပြည်သူ့ဆေးရုံကြီးများ၌ ဖွင့်လှစ်သင်ကြားပေးခဲ့ရာ ကချင်ပြည်နယ်တွင် (၉)ဦး၊ ကယားပြည်နယ်တွင် (၄)ဦး၊ ချင်းပြည်နယ်တွင်(၁၂)ဦး၊ စစ်ကိုင်းတိုင်းဒေသကြီးတွင် (၂၀)ဦး၊ တနင်္သာရီတိုင်းဒေသကြီးတွင်(၅)ဦး၊ ပဲခူးတိုင်းဒေသကြီးတွင်(၂၁)ဦး၊ မကွေးတိုင်းဒေသကြီးတွင် (၂၁)ဦး၊ မွန်ပြည်နယ်တွင် (၁၁)ဦး၊ ရခိုင်ပြည်နယ်တွင်(၁၃)ဦး၊ ရန်ကုန်တိုင်းဒေသကြီးတွင်(၅၈)ဦး၊ ဧရာဝတီတိုင်းဒေသကြီးတွင်(၂၈)ဦး၊ ပြည်ထောင်စုနယ်မြေ၊ နေပြည်တော်တွင်(၄၃)ဦး စုစုပေါင်း သင်တန်းသား/သူ (၂၄၅)ဦးတို့ တက်ရောက်ခဲ့ပြီး သင်တန်းဆင်းပွဲအခမ်းအနားများဆောင်ရွက်၍ သင်တန်းဆင်းလက်မှတ်များပေးအပ်ခဲ့ပါသည်။ မန္တလေးတိုင်းဒေသကြီး၊ ရှမ်းပြည်နယ် (တောင်) နှင့် ရှမ်းပြည်နယ် (အရှေ့)တို့တွင် သင်တန်းများဆောက်ရွက်နေဆဲဖြစ်ပါသည်။

စဉ်	တိုင်းဒေသကြီး/ ပြည်နယ်	သင်တန်းဖွင့်လှစ်သော ဆေးရုံ/ဌာန	တက်ရောက် သင်တန်းသား အရေအတွက်
၁	ကချင်ပြည်နယ်	ပြည်သူ့ဆေးရုံကြီး၊ မြစ်ကြီးာနား	၉ ဦး
၂	ကယားပြည်နယ်	ပြည်သူ့ဆေးရုံကြီး၊ လွိုင်ကော်မြို့	၄ ဦး
၃	ချင်းပြည်နယ်	ပြည်သူ့ဆေးရံကြီး၊ ဟားခါးမြို့	၁၂ ဦး
၄	စစ်ကိုင်းတိုင်းဒေသကြီး	ပြည်သူ့ဆေးရုံကြီး၊မုံရွာ/စစ်ကိုင်း/ ကလေးမြို့	၂၀ ဦး
၅	တနင်္သာရီတိုင်းဒေသကြီး	ပြည်သူ့ဆေးရုံကြီး၊ ထားဝယ်	၅ ဦး
၆	ပဲခူးတိုင်းဒေသကြီး	ပြည်သူ့ဆေးရုံကြီး၊ ပဲခူး/ပြည်/ တောင်ငူ	၂၁ ဦး
၇	မကွေးတိုင်းဒေသကြီး	ပြည်သူ့ဆေးရုံကြီး၊ မကွေး	၂၁ ဦး
၈	မန္တလေးတိုင်းဒေသကြီး	ဗဟိုအမျိုးသမီးဆေးရုံကြီး၊ မန္တလေး	၄၇ ဦး
၉	မွန်ပြည်နယ်	ပြည်နယ်ကုသ‌ရေးဦးစီးဌာနရုံး/ ပြည်သူ့ဆေးရုံကြီး၊ မော်လမြိုင်	၁၁ ဦး
၁၀	ရခိုင်ပြည်နယ်	ပြည်သူ့ဆေးရုံကြီး၊ စစ်တွေ	၁၃ ဦး
၁၁	ရန်ကုန်တိုင်းဒေသကြီး	ရန်ကုန်အနောက်ပိုင်းဆေးရုံကြီး	၅၈ ဦး
၁၂	ရှမ်းပြည်နယ်(တောင်)	စဝ်စံထွန်းပြည်သူ့ဆေးရုံကြီး	၁၂ ဦး
၁၃	ရှမ်းပြည်နယ်(ရှေ့)	ပြည်သူ့ဆေးရုံကြီး၊ကျိုင်းတုံ	၃ ဦး
၁၄	ဧရာ၀တီတိုင်းဒေသကြီး	ပြည်သူ့ဆေးရုံကြီး၊ ပုသိမ်/ လပွတ္တာ/မြောင်းမြ/ဟင်္သာတ	၂၈ ဦး
၁၅	​နေပြည်တော်	နေပြည်တော်ကုသရေးဦးစီးဌာနမှူးရုံး/ နေပြည်တော်ပြည်သူ့ဆေးရုံကြီး၊ ခုတင်-၁၀၀၀	၄၃ ဦး
	စုစုပေါင်း		၃၀၇ ဦး