အထွေထွေပြင်ပလူနာကြည့်ချိန်
ပြင်ပလူနာ ကြည့်ရှုသည့်ရက် | ကြည့်ရှုသည့်အချိန် | ပြင်ပလူနာ | ကြည့်ရှုသည့် နေရာ |
တနင်္လာနေ့ | နံနက်(၉:၀၀ မှ ၁၂:၀၀)ထိ နေ့လည်(၂:၀၀ မှ၄:၀၀)ထိ | ကိုယ်ဝန်ဆောင်များ၊မွေးပြီးလူနာများ မီးယပ်လူနာများ | ပြင်ပလူနာဌာန |
ဗုဒ္ဓဟူးနေ့ | နံနက်(၉:၀၀ မှ ၁၂:၀၀)ထိ နေ့လည်(၂:၀၀ မှ၄:၀၀)ထိ | ကိုယ်ဝန်ဆောင်များ၊မွေးပြီးလူနာများ မီးယပ်လူနာများ | ပြင်ပလူနာဌာန |
အင်္ဂါနေ့ | နံနက်(၉:၀၀ မှ ၁၂:၀၀)ထိ | (၂)နှစ်အောက်ပုံမှန်ကာကွယ် ဆေးထိုးခြင်း | ပြင်ပလူနာဌာန |
ကြာသပတေးနေ့ | နံနက်(၉:၀၀ မှ ၁၂:၀၀)ထိ | (၂)နှစ်အောက်ပုံမှန်ကာကွယ် ဆေးထိုးခြင်း | ပြင်ပလူနာဌာန |
တနင်္လာနေ့မှ သောကြာနေ့ အထိ | နံနက်(၉:၀၀ မှ ၁၂:၀၀)ထိ | Covid ကာကွယ်ဆေးထိုးလုပ်ငန်း | ပြင်ပလူနာဌာန |
အထူးကုပြင်ပလူနာကြည့်ချိန်
စဉ် | ပြင်ပလူနာ ကြည့်ရှုသည့်ရက် | အထူးကုဘာသာရပ် | ကြည့်ရှုသည့်အချိန် | ကြည့်ရှုသည့် နေရာ | |
နံနက်ပိုင်း | နေ့လည်ပိုင်း | ||||
၁။ | တနင်္လာနေ့မှ သောကြာနေ့အထိ | ကိုယ်ဝန်ဆောင်နှင့် သားဖွားနှင့်မီးယပ်လူနာ ကလေးလူနာ | ၈နာရီမှ၁၂နာရီ | ၁နာရီမှ၄နာရီ | ပြင်ပလူနာဌာန |
တည်နေရာအကျယ်အဝန်း
– တောင်ကြီးမြို့ ၏ တောင်ဘက်ပိုင်း၊ အရှေ့ဘက်ခြမ်း ၊ သစ်တောရပ်ကွက်တွင်တည်ရှိပါသည်။
– အကျယ်ဝန်း ၁၁.၈၇၅ဧက
–အရှေ့ သစ်တောရပ်ကွက် နယ်မြေ (၆)
–အနောက် ဗိုလ်ချုပ်ပန်းခြံ
–တောင်ဘက် မြို့တော်ခန်းမ
–မြောက်ဘက် ပြည်နယ်အားကစားကွင်း
၁။ဆေးရုံကြီး၏သမိုင်းအကျဉ်းချုပ်
အမျိုးသမီးနှင့်ကလေးဆေးရုံကြီး(ယခင်ပြည်သူ့ဆေးရုံကြီး) ကို ၁၈၉၇ခုနှစ် ၊ ဒီဇင်ဘာလ တွင်ဆောက်လုပ်ခဲ့သည်ဟု (RASSS,1898, p 37) စာအုပ်မှတ်တမ်းအရသိရှိရပါသည်။ ဆေးရုံကြီး သည်ရှမ်းပြည်နယ်တောင်ပိုင်းတွင် အကောင်ဆုံးဖြစ်သည်ဟု မှတ်တမ်းအရသိရှိရပါသည်။ သွပ်မိုးပြီး ၊လေးဘက်လေတန်ကော်ရစ်ဒါထုတ်ထားသောတစ်ထပ်တိုက်လေးဖြစ်ပြီး ပြင်ပလူနာဌာန၊ ခွဲစိတ်ကုသဆောင်၊ ခွဲစိတ်ခန်းမ၊ ကလေးများနှင့် အမျိုးသမီးလူနာဆောင်၊ ဆေးပေးခန်း၊ အမျိုးသား လူနာဆောင်တို့ရှိသည်ဟု(မြင့်ဆွေ၊၁၉၈၇၊စာ၁၆)စာအုပ်မှတ်တမ်းအရသိရှိရပါသည်။
ဆေးရုံအုပ်ကြီးမှာခရိုင်ဆရာဝန်ကြီးပင်ဖြစ်သည်။ ဆေးရုံနှင့်အနီးတွင်ဆရာဝန်ကြီးနေအိမ်၊
ဆေးရုံဝင်းအတွင်းတွင် လက်ထောက်ဆေးရုံအုပ်နေအိမ်နှင့် ဝန်ထမ်းအိမ်ယာများဆောက်ထားသည် ဟု(မြင့်ဆွေ၊ ၁၉၈၇၊ စာ၁၆-၂၂) စာအုပ်မှတ်တမ်း အရသိရှိရပါသည်။
ရုံးမှတ်တမ်းများအရ(၁၉၄၅)ခုနှစ်သြဂုတ်လမှစ၍“တောင်ကြီးမြို့နယ်ပြည်သူ့ဆေးရုံကြီး” အဖြစ်အဖြစ်“ခရိုင်ဆရာဝန်ကြီး”မှ အုပ်ချုပ်ခဲ့ကြောင်း တွေ့ရှိရပါသည်။
“ခရိုင်ဆရာဝန်ကြီး”၏လက်အောက်တွင်ဆေးရုံများဖြစ်သည့် ညောင်ရွှေ၊နန်းပန်၊ ရပ်စောက် နှင့် ဆီဆိုင်ဆေးရုံများ၊ ဆေးပေးဌာနများဖြစ်သည့်ရွှေညောင်၊နောင်မွန်၊ ဘန်းယဉ်နှင့်ဟိုပုံးစသည့် ဆေးပေး ဌာနများ၏ဝန်ထမ်းရေးရာ၊ ဘဏ္ဍာရေး၊ ဆေးဝါးများနှင့်သက်ဆိုင်သည့်ကိစ္စရပ်များကိုပါ တာဝန်ယူခဲ့ ရပါသည်။
ရှမ်းပြည်နယ်ဦးစီးအဖွဲ့ရုံးတွင် ၁၉၆၉ခုနှစ်၊ သြဂုတ်လ၁၅ရက်နေ့ တွင်ပြုလုပ်ခဲ့သည့် အစည်းအဝေးဆုံးဖြတ်ချက်အရ “မိခင်နှင့်ကကလေးဆေးရုံ” အဖြင့်ပြောင်းလဲဖွင့်လှစ်ခဲ့ပြီး “မြို့နယ်ဆရာဝန်ကြီး” မှ အုပ်ချုပ်ခဲ့ပါသည်။
ရှမ်းပြည်နယ် ဦးစီးအဖွဲ့ရုံး၏ ၁၉၇၀ ခုနှစ် နိုဝင်ဘာလ ၉ ရက်နေ့ နေ့စွဲပါစာအမှတ် ၊ ၁၅၂-ရပ (ဂ)၆၅သည် ကျန်းမာရေးဝန်ကြီးဌာန (ဌာနစု – ၆) ၏ ( ၁၃-၁၀-၁၉၇၀)နေ့စွဲပါ အမှာစာအမှတ် – ၂၀-မစ(ခ)၆၇(၂) အရ သားဖွား / မီးယပ် နှင့် ကလေးဆေးရုံအဖြစ် ပြောင်းလဲဖွင့်လှစ်ခဲ့ကြောင်း သိရှိရပါသည်။
ကျန်းမာရေးဝန်ကြီးဌာန၏ (၂၈-၉-၁၉၇၁)ရက်စွဲပါ အမိန့်ကြော်ငြာစာအမှတ် ၊ ၂၀ မဆ (ခ)၆၇ (၁)ကို ရည်ညွှန်းလျက် ကျန်းမာရေးဌာန ညွှန်းကြားရေးဝန်းရုံ (ဌာနခွဲ) – မထ – ၅ )၏ စာအမှတ်၊၇၄၈၀/၂မထ၅(စ)၇၁ဆေးရုံအမည်ပြောင်းဖြစ်တောင်ကြီးမြို့၊ မိခင်နှင့်ကလေးဆေးရုံကို “တောင်ကြီးမြို့၊ အမျိုးသမီးနှင့်ကလေးဆေးရုံကြီး” အဖြစ် အမည် ပြင်ဆင်ပြောင်းလဲ ခေါ်ဝေါ်ခဲ့ ကြောင်း သိရပါသည်။
ကျန်းမာရေးဦးစီးဌာန၏ (၂၁-၄-၁၉၇၈)ရက်စွဲပါစာအမှတ် ၊ ၂ခ (၅/၅)၇၈ အရ ခုတင်၂၀၀ဆံ ဆေးရုံကြီးအဖြစ် အဆင့်တိုးမြင့်ပေးခဲ့ပါသည် ။
ကျန်းမာရေးဦးစီးဌာန၏ (၇-၄-၂၀၀၄)ရက်စွဲပါစာအမှတ် ၊ စမ-၁/ဖစခ/၂၀၀ဆ၁/၈၁ဖြင့် ကုတင်၂၀၀ဆံ စံကိုက်နှုန်း ဝန်ထမ်းအင်အားဖွဲ့စည်းပုံကို ခွင့်ပြုခဲ့ပါသည်။
၂။ ဆက်သွယ်ရမည့်လိပ်စာ
၁။ ဖုန်းနံပါတ် ဆေးရုံအုပ်ကြီးရုံးခန်း – 081-201841/
အရေးပေါ်နှင့်ပြင်ပလူနာဌာန – 09-885372817
၂။ Fax Number 081-201841
၃။ Office E-mail address wchtauggyi2006@gmail.com
၃။ ဆေးကုသမှုပေးနိုင်သောဌာနများ
၁။ ပြင်ပလူနာဌာန
၂။ ကလေးလူနာဆောင်
၃။ သားဖွားဆောင်
၄။ မီးယပ်ဆောင်
၅။ မွေးကင်းစကုသဆောင်
၆။ ဓါတ်မှန်ဌာန
၇။ ရောဂါရှာဖွေရေးနှင့်သွေးလှူဘဏ်ဌာန
၈။ သီးခြားဆေးကုသဆောင်
ပြည်သူလူထုကိုသတင်းပေးလိုသောအချက်များ
တောင်ကြီးမြို့၊အမျိုးသမီးနှင့်ကလေးဆေးရုံကြီးသည် ရှမ်းပြည်နယ်ရှိ တစ်ခုတည်းသောအမျိုးသမီးနှင့်ကလေး ကျန်းမာရေးအတွက် ထိရောက်သော ကုသမှုကို ( သားဖွား / မီးယပ် ) ပါမောက္ခ/ဌာနမှူးနှင့် ကလေးကျန်းမာ ပါမောက္ခ/ဌာနမှူးများ အထူးကုဆရာဝန်ကြီးများ ဦးစီး၍ စွမ်းဆောင်မှု အရှိဆုံးနှင့် ပိုမိုထိရောက်မှုရှိစွာ ကျန်းမာရေးစောင့်ရှောက်မှုပေးနိုင်သော ဗဟိုအဆင့် ဆေးရုံကြီး ဖြစ်သည့် အပြင်ဆေးတက္ကသိုလ်တောင်ကြီး၏ သင်ကြားရေးဆေးရုံကြီးလည်းဖြစ်သည်။