ပြင်ပလူနာအချိန်ဇယား
ရက်စွဲ | နံနက်(၈:၀၀)မှ(၁၂:၀၀)နာရီ | နေ့လည်(၂:၀၀)မှညနေ(၄:၀၀)နာရီ |
တနင်္လာ | အရိုး/ အကြောအဆစ်လူနာများ | အရိုး/ အကြောအဆစ်လူနာများ |
ကျောရိုးပိုင်းဆိုင်ရာလူနာများ | ကျောရိုးပိုင်းဆိုင်ရာလူနာများ | |
အင်္ဂါ | အရိုး/ အကြောအဆစ်လူနာများ | အရိုး/ အကြောအဆစ်လူနာများ |
လက်ပိုင်းဆိုင်ရာလူနာများ | လက်ပိုင်းဆိုင်ရာလူနာများ | |
ဗုဒ္ဓဟူး | အရိုး/ အကြောအဆစ်လူနာများ | အရိုး/ အကြောအဆစ်လူနာများ |
ကျောရိုးပိုင်းဆိုင်ရာလူနာများ | ကျောရိုးပိုင်းဆိုင်ရာလူနာများ | |
ကြာသပတေး | အရိုး/ အကြောအဆစ်လူနာများ | အရိုး/ အကြောအဆစ်လူနာများ |
လက်ပိုင်းဆိုင်ရာလူနာများ | လက်ပိုင်းဆိုင်ရာလူနာများ | |
သောကြာ | အရိုး/ အကြောအဆစ်လူနာများ | အရိုး/ အကြောအဆစ်လူနာများ |
ကျောရိုးပိုင်းဆိုင်ရာလူနာများ | ကျောရိုးပိုင်းဆိုင်ရာလူနာများ |
စတင်တည်ထောင်ခဲ့သောခုနှစ်နှင့် သမိုင်းအကျဉ်းချုပ်
၁၈၉၅ခုနှစ်တွင်အနာကြီးရောဂါကုဂေဟာအဖြစ်စတင်ခဲ့ပြီး ၁၉၆၆ခုနှစ်၊ဇူလိုင်လတွင် ပြည်သူ ပိုင်သိမ်းပြီးနောက် နာတာရှည်ရောဂါကုဆေးရုံအမည်ဖြင့် အနာကြီးရောဂါနှင့် နာတာရှည်ရောဂါများ ကိုကုသပေးခဲ့ရာမှ ၁၉၇၂ခုနှစ်၊ဩဂုတ်လ(၂၂)ရက်နေ့တွင် ၎င်းလူနာများကိုထောက်ကြန့်နှင့်မန္တလေး ရှိအနာကြီးဆေးရုံများသို့ပြောင်းရွေ့ခဲ့ပါသည်။ ထို့နောက်လက်ပိုင်းဆိုင်ရာ၊ အရိုးနှင့်နာတာရှည်လူနာ များကိုလက်ခံကုသပေးခဲ့ပြီး ၁၉၇၆ခုနှစ်၊စက်တင်ဘာလမှစ၍ အရိုးရောဂါအထူးကုဆေးရုံကြီးအဖြစ် ပြောင်းလဲဖွင့်လှစ်ခဲ့ပြီးနောက် အရိုးလူနာများကိုသာလက်ခံကုသပေးလျှက်ရှိပါသည်။ (၉-၁၀-၂၀၁၅) ရက်နေ့တွင် ခုတင်(၅၀)ဆံ့ကျောရိုးပိုင်းဆိုင်ရာခွဲစိတ်ကုသဆောင်အားလည်းကောင်း၊ တိုးချဲ့(၅)ထပ် လူနာဆောင်ကို(၂၉−၁၂−၂၀၂၂)ရက်နေ့တွင်လည်းကောင်း တိုးချဲ့ဖွင့်လှစ်ခဲ့ပါသည်။ ခွင့်ပြုလူနာခုတင် ဦးရေမှာ(၃၀၀)ဖြစ်ပြီး လက်ရှိလူနာခုတင်ဦးရေမှာ (၃၃၂)ခုတင်အထိ အသုံးပြုနိုင်ပါသည်။
ဆက်သွယ်ရမည့်လိပ်စာ
လိပ်စာ -အမှတ်(၁၃၂)၊ဟံသာ၀တီလမ်း၊သရက်တော(မြောက်)ရပ်ကွက်၊ ကြည့်မြင်တိုင်မြို့နယ်၊ ရန်ကုန်မြို့
ဆေးရုံအုပ်ကြီးရုံးခန်း(ကြိုးဖုန်း) – ၀၁ ၅၂၇၀၈၆/ ၀၁ ၅၂၇၀၈၇/ ၀၁ ၅၂၇၀၈၈
အီးမေးလ် – yangonortho@gmail.com
ဖက်စ်နံပါတ် – ၀၁ ၅၂၇၀၈၆
ရန်ကုန်မြို့၊အရိုးရောဂါအထူးကုဆေးရုံကြီးသို့လာရောက်ကုသမှုခံယူသည့်ကျောရိုး၊လက်ပိုင်း အကြောအဆစ်နှင့်အရိုးလူနာများအား အစိုးရရုံးပိတ်ရက်များမပါ ရုံးချိန်များအတွင်း သတ်မှတ်ထား သော ရက်အလိုက် ကြည့်ရှုကုသပေး လျက်ရှိပါသည်။
ဤဆေးရုံကြီးသို့ လာရောက်ကုသမှုခံယူလျက်ရှိသော ပြင်ပလူနာ/အတွင်းလူနာများအား နိုင်ငံတော်မှ ခွင့်ပြုရန်ပုံငွေဖြင့် ဝယ်ယူထားသော Tab: (၁၁)မျိုး၊ Injection (၂၃)မျိုး၊ LPO (၉)မျိုး၊ Laboratory (၄၃)မျိုး၊ X-ray (၁)မျိုး၊ Consumable for Basic (၇၉)မျိုး နှင့် Consumable for Speciality (Implant) (၅၉)မျိုး ဖြင့် အခမဲ့ထောက်ပံ့ပေးလျက်ရှိပါသည်။ ဓါတ်မှန်ဌာနအနေဖြင့် USG, X-ray, CT, MRI စက်များဖြင့်စမ်းသပ်ရောဂါရှာဖွေခြင်းနှင့် ရောဂါရှာဖွေရေးဌာနအနေဖြင့် ပြင်ပလူနာများအတွက်(၃၁)မျိုးနှင့် အတွင်းလူနာများအတွက်(၃၄)မျိုးဖြင့် အခမဲ့စမ်းသပ်ဆောင်ရွက် ပေးလျက်ရှိပါသည်။ ရန်ကုန်မြို့၊ အရိုးရောဂါအထူးကုဆေးရုံကြီးအနေဖြင့် ကုသရေးဉီးစီးဌာန၏ လမ်းညွှန်ချက် နှင့်အညီ ဤဆေးရုံကြီးသို့ လာရောက်ကုသမှုခံယူလျက်ရှိသောလူနာများအား ဆေးကုသမှုခံယူရာ တွင် အထောက်အကူဖြစ်စေရန်နှင့်ရောဂါလျင်မြန်စွာပျောက်ကင်းစေရန်အတွက် ကုသရေးဉီးစီးဌာန ၏ လမ်းညွှန်ချက်များနှင့်အညီ လူနာ/လူနာစောင့်နှင့် ဧည့်သည်များအား လိုက်နာဆောင်ရွက်ရန်နှင့် ရှောင်ကြဉ်ရန်စည်းကမ်းများနှင့် ကိုဗစ်-၁၉/မျောက်ကျောက်အစရှိသောကူးစက်ရောဂါများ၏ ရောဂါ လက္ခဏာများ၊ ကာကွယ်နိုင်မည့်နည်းလမ်းများအား စနစ်တကျလိုက်နာကျင့်သုံးရန် နှိုးဆော်ထားပါ သည်။ နေ့စဉ်အတွင်းလူနာ(၁၀၀)ဉီးကျော်နှင့် ပြင်ပလူနာ(၂၀၀)ဉီးကျော် လက်ခံကြည့်ရှု ကုသပေး လျက်ရှိပါသည်။